Paris_negocios_Banca para Empresas

Parisek lekua kendu dio Londresi negozioak egiteko Europako hiri onena bezala

internazionala

4 iraila, 2018 | argitaratuta LABORAL Kutxa

Brexitak badirudi ondorioak ekarri dizkiola Britainiako hiriburuari, Parisek lehen aldiz gainditu baitu Londres, atzerriko enpresarientzat (batik bat estatubatuarrak) Europako hiri erakargarriena bezala. Hori ageri da Ernst & Young (EY) enpresak egindako azterketan, konpainien arduradunen %37ak Paris hautatu dute-eta.

Atzerriko enpresariek negozioak egiteko hautatutako 4 hiriak

– Paris (%37)

– Londres (%34)

– Berlin (%24)

– Francfort (%22)

2015. urtean, Erresuma Batua Europar Batasunetik ateratzea ikusten ez zela, inkesta egindako atzerriko konpainien arduradunek Londres hautatu zuten (%52) negozioak egiteko hiri onena bezala. 2017an, britainiar hiriburua %32ak bozkatu zuen, eta, 2018an, %34ak bozkatu badute ere, Paris nagusitu zaio, iazko %27tik aurtengo %37ra igaro baita. Estatubatuarrek babestu dute gehien botoen %22arekin. 

Hala ere, EY-ren azterketan ageri da Parisek atzerriko inbertsiogileen 1.119 proiektu zituela Frantzian 2017an ezartzeko; hau da, Erresuma Batuan (1.205) eta Alemanian (1.124) baino gutxiago.

Parisek oraindik hobetu behar du

Halaber, azterketaren arabera, atzerriko enpresariek ustez, badira herrialdean inbertitzeko eragozpenak:

– Fiskalitate-maila altua du.

– Administrazio-prozedurak konplexuak eta motelak dira.

– Laneskuaren kostua oso altua da.

Zailtasunak zailtasun, atzerriko inbertsiogileen proiektuak 2017an Frantzian 2016an baino %31 gehiago izan ziren; beraz, horrek adierazten du bide onetik doala. Hain zuzen ere, iazko azaroan, Parisek Europako Banku Agentziaren egoitza hartu zuen, eta konpainia handiak Londrestik Parisa joan ziren; halaber, startup-ak argiaren hiria hautatzen hasi ziren bertan geratzeko. Zify, indiar startup-a, gidari partikularrek beren ibilgailua parteka dezaten bultzatzen aritzen da, eta Paris hautatu du Europako egoitza bezala, eta Macron lehendakariak startup gehiago erakartzeko plana abian jarri du jada.

Startup-en munduko inkubagailu handiena

Ildo horretan, duela urtebetetxo pasata, startup-en munduko inkubagailurik handiena inauguratu zuten, “Station F”, Parisko karga-geltoki zahar baten barruan; bertan, arrisku-kapitaleko 30 enpresak baino gehiagok, Accel Partners-etik hasi eta Index Ventures-era bitarte, inbertsioak egiten dituzte. Hori dela-eta, aurtengo urtarrilean, Las Vegasko Consumer Electronics Show-ean, Kontsumo Elektronikaren nazioarteko azokarik handienetarikoan, frantses startup-ek atzerriko ordezkaritzarik handiena izan zuten.

Horrela jarraituz gero, baliteke Silicon Valley-ko ekintzaile askok begirada Parisen jartzea haien startup-ak abian jartzeko.

Tu opinion:

Zure e-posta helbidea ez da argitaratuko. Beharrezko eremuak * markatuta daude

*
*