BE-foto-renovemaq

Eusko Jaurlaritzak Renove Makineria Plana berraktibatu du, 5 milioi euroz horituta

Finantziazioa

24 iraila, 2020 | argitaratuta LABORAL Kutxa

Industria-prozesuen berrikuntza eta automatizazioa ezinbestekoak dira lehiakortasunerako, bereziki COVID-19ak eragindako krisi-egoeran. Tresna horiei esker, enpresa txiki eta ertainek beren produktibitatea handitu eta industria-prozesuen eraginkortasuna eta errentagarritasuna areagotu ditzakete, eta horrela, euskal ekonomia suspertzen lagundu.

Ekonomia suspertzeko eta ETEak modernizatzeko aurez aurreko programa

Helburu horiek lortzeko, Eusko Jaurlaritzak berriz aktibatu du bere Renove Makineria Plana, joan den urtean inaktibo egon ondoren, SPRI Taldearen bidez.

Programa hori oso errotuta dago Euskadin eta 5 milioi euroko zuzkidurarekin itzuli da, EAEko ETE-en industria-ekipamenduak modernizatuz ekonomia suspertzen laguntzeko. Eskaerak aurkezteko epea irekita dago dagoeneko, SPRI Taldearen webgunean.

Ekimen hori Eusko Jaurlaritzak sustatutako neurrien multzoan kokatzen da, gaur egungo osasun- eta ekonomia-krisialdian, euskal industria-sarearen lehiakortasuna hobetzeko helburuarekin. Kasu honetan, laguntzek osagai berritzaile garbia dute, enpresen lehiakortasuna hobetzeaz gain, haien helburua laneko segurtasunaren, eraginkortasunaren eta ingurumenarekiko errespetuaren arloko prestazioak optimizatzea baita, besteak beste.

Gainera, zure enpresa eraldaketa digitalaren abangoardian egotea nahi baduzu, Renove 4.0 programaren laguntzak eska ditzakezu makineria eta ekipamendu aurreratua erosteko. Programa hori Machine Learning, errealitate birtual, Big Data eta analitika aurreratu edo fabrikazio gehigarriaren proiektuetan oinarritzen da, besteak beste.

Industriako Makineriaren Renove Planaren deialdiaren baldintzak

Deialdiak % 40ra arteko dirulaguntza eskaintzen die industriako ETE-ei laguntza-eskaera bakoitzeko, baina 70.000 euro gehienez ere. Laguntza horiei esker, ETE-ek makineria eta ekipamendu berriak erosi ahal izango dituzte, horiek 70.000 euro baino gehiago balio badute (BEZa kanpo) eta honako prozesu hauetara bideratuta badaude:

  • Produktu eta materialen ontziratzea eta enbalatzea.
  • Osagaien mihiztadura.
  • Lehengaien eta produktu erdilanduen eraldaketa.
  • Produkzio-prozesuen manipulazio automatikoa.

Eskaerak aurkezteko epea urriaren 22ra arte egongo da zabalik. Makineria berria 2020ko irailaren 14tik aurrera erosi beharko da, eta eskaera aurkeztu ondorengo 12 hilabeteetan entregatu eta jarri beharko da martxan. Dirulaguntzak SPRI Taldeak formalizatu eta ordainduko ditu, bi ordainketa eginez. Lehenengoa, dirulaguntzaren % 50a, laguntza onartu dela jakinarazi ondoren egingo da, eta gainerako % 50a, berriz, likidazioaren eskaera eta hura egiaztatzen duen dokumentazioa aurkeztean.

Tu opinion:

Zure e-posta helbidea ez da argitaratuko. Beharrezko eremuak * markatuta daude

*
*