Libros recomendados_Banca para Empresas

Uda honetan irakurtzeko bost liburu gomendatzen dizkizugu

Ekonomia soziala

21 abuztua, 2019 | argitaratuta LABORAL Kutxa

Udan, eguneroko betebeharrek atsedenaldia ematen digute. Lanaldi murriztuak eta oporrak direla-eta denbora gehiago izaten dugu, eta denbora hori irakurtzen, eta, bide batez, trebatzen erabil dezakegu. Liburuak, ihes egiteko iturria izateaz gain, gure lanerako kontzeptu erabilgarriak ikasten eta barneratzen lagun diezagukete. Hemen bost irakurketa proposatzen dizkizuegu. Gai oso interesgarrien ingurukoak dira, eta oso arin idatzita daudenez, horiek irakurtzea plazer bat bilakatzen da.

1-REVOLUCIONA TU NEGOCIO CON LAS TECNICAS DE LOS JUEGOS: GAMIFICACION

Gamifikazioa kontzeptuak jada urte batzuk ditu, baina modan egoten jarraitzen du. Gauza da jolasak ikasteko eta arlo profesionalerako aplikatzea, modu horretan errazago ikasteko. Kevin Werbachen eta Dan Hunterren liburu honetan, enpresa mailako arazoak jolasen diseinatzaile batek egingo lukeen moduan bideratzeko gakoak ematen dira. Teknika horiei esker, langileen motibazioa hobetzetik hasi eta konpainia baten erronketarako irtenbide orijinalak aurkitzen amaitu dezakegu. Gero eta enpresa gehiago ari dira gamifikazioa ezartzen haien arloren batean; liburu honetan zergatik eta nola egiten ari diren agertuko zaigu.

Gainera, egileek 6 urratsetan garatzeko esparrua proposatzen dute honako hauetan aplikatzeko: marketing, berrikuntza, produkzioa, langileen motibazioa, bezeroaren konpromisoa eta baita prestakuntza ere. Ezagutu ezazu jolasak zure negozioan edo lanbidean aplikatzearen potentzial osoa; emaitzekin harrituta geratuko zara.

2-LA AVENTURA DE DIANA: EMPRENDIENDO E INNOVANDO CONTRA VIENTO Y MAREA

Berrikuntzaren erronkak haurrentzako ipuina balira bezala azaltzen dira. Hau da liburu honen proposamen orijinala. Liburua oso azkar irakurtzen denez, badirudi orrialdeak irentsi egiten ditugula. Confortalia izeneko herrialdean, Kulturaren badiaren ertzean eta Oparotasunaren golkoan, gure heroia bizi da: Diana. Marketing arloan aditua da, eta Yagorekin, informatikari gaztearekin, eta Felixekin, negozioko beterano exekutiboarekin, batera, abentura paregabean sartuko da, eta helburua, berrikuntza, lortzeko erronka mordoari egin beharko die aurre.

Ikus daitekeenez, historia ekintzaile guztiek lanean aurkitzen dituzten arazoen eta enpresa berritzaileek dituzten eragozpenen parabola moduan eraikitzen da. Nacho Villoc da nobela bitxi honen egilea, eta alegoria erabiltzen du publiko ezjakinenari ekintzailetzan hasteak eta berritzeak zer suposatzen duen erakusteko. Lortuko duela ziurtatzen dizuegu. Uda honetan, tarte on bat igaro nahi baduzue irakurtzen eta aldi berean ikasten, hauxe da zuen nobela.

3-LA ESTRATEGIA DEL OCÉANO AZUL: CREAR NUEVOS ESPACIOS DE MERCADO DONDE LA COMPETENCIA SEA IRRELEVANTE

Planteamendu orijinala duen beste liburu bat. Kasu honetan, Chan Kim eta Renée Mauborgne egileek kontzeptu benetan apurtzailea aurkeztuko digute negozioen munduan: ozeano urdina. Teoria honen asmoa da enpresen artean lehia gainditzea merkatua berrikuntzaren bitartez handitzen oinarritzeko. Funtsean proposatzen dute enpresek elkarren artean lehiatzeari uztea arrakasta izateko. Ozeano urdinak egun agertuko ez diren, eta, beraz, etorkizunera begira hazkunde errentagarria sortzeko aukerak medio bideragarriak diren merkatuak sortu nahi dituzten ideiak irudikatzen ditu.

Enpresak merkatu berriak sortzen ahalegintzen badira lehendik daudenetan lehiatu ordez, arrakasta errazago lortuko da, lehiarik gabeko eremuetan mugituko baitira. Liburuan teoria honen oinarrizko lau printzipioak definitzen dira:

– Kontsumorako espazio berriak sortzea.

– Ideia orokorrean oinarritzea, ez zenbakietan.

– Dagoen eskaeratik haratago ezagutzea.

– Estrategiaren bideragarritasuna ziurtatzea.

4-ECONOMÍA SIN CORBATA: CONVERSACIONES CON MI HIJA

Yanis Varoufakis mundu-mailan pertsona ospetsu bilakatu zen Greziako Gobernuko Ekonomiaren zorroan sartu zenean, ezkerren SYRIZA koaliziotik. Karguan denbora asko egon ez bazen ere, palestra publikoak bozgorailu moduan balio izan zuen haren proposamen ekonomikoentzat.

Liburu honetan hizkuntza ausarta erabiltzen du, zinemarekin eta literaturarekin zerikusia duten adibide ugari proposatzeaz gain, publiko gazteenarena iristeko eta ekonomia orokorraren funtzionamenduaren inguruan hezteko. Alaba txikiarekin dituen elkarrizketen formatuan, Varoufakis oso erraz arituko da funtsezko kontu ekonomikoetaz; hala nola, zer den aberastasuna, zer den pobrezia, noiz eta zergatik sortu ziren desberdintasun horiek, zein den boterearen eta diruaren arteko harremana edo zer diren finantza-merkatuak, besteak beste.

Liburua oso erraz irakurtzen da, eta erraz uler dezakegu Europan zorraren krisian zehar eragin handieneko ekonomialari baten posizionamendu politikoa.

5-EL ARTE DE GESTIONAR EL TIEMPO: BUITRES, ELEFANTES, HÁMSTERES, ABEJAS Y HORMIGAS

Zein da gure garaiko ondasun preziatuena? Batzuek urrea esango lukete, besteek petrolioa, baina, Gustavo Pierak defendatzen duen moduan, egia esan denbora da ondasun baliotsuena. Gure denbora kudeatzeko moduak erabakitzen du gure proiektuek arrakasta edo porrota izatea, baina orokorrean denbora ez dugu modu adimentsuan erabiltzen, eta inertziaren edo besteen iritzien baitan uzten dugu gure burua. Egileak proposatzen digu gure bizitzan gure helburuak ezartzea eta horiek lortzeko zenbat denbora inbertitzeko prest gauden erabakitzea.

Liburuaren lehen zatian, gure denboraren kudeaketa hobetzeko gakoak, aholkuak, arauak eta ezin eskertuzko balio praktikoko adibide ugari eskaintzen dira. Ezinbesteko liburua da modu eraginkorrean nola antolatu eta gure denbora erabat produktiboa izan dadin diziplina eta planifikazioa nola erabil ditzakegun jakiteko.

Nolanahi ere, bakoitzak geure literatur lehentasunak ditugu. Hori dela-eta, proposaturiko zerrenda interesa pizten dizuten liburuekin handitzera animatzen zaitugu. Uda honetarako gomendatzeko moduko irakurketarik ezagutzen duzu?

 

Tu opinion:

Zure e-posta helbidea ez da argitaratuko. Beharrezko eremuak * markatuta daude

*
*